← Ro'yxatdan o'tish · Ommaviy oferta

Maxfiylik siyosati

Shaxsga doir ma'lumotlarni qayta ishlash tartibi · Tahrir: 2026-yil 20-oktabr

1. Umumiy qoidalar

1.1. Ushbu siyosat "Shaxsga doir ma'lumotlar to'g'risida"gi O'zbekiston Respublikasi Qonuniga muvofiq RivojPOS xizmatida shaxsga doir ma'lumotlar qanday yig'ilishi, ishlatilishi va himoya qilinishini belgilaydi.

1.2. Ma'lumotlar operatori — yakka tartibdagi tadbirkor Ibroximov Umarbek Ulug'bek o'g'li (keyingi o'rinlarda — Ijrochi). Rekvizitlar Ommaviy ofertaning 13-bo'limida keltirilgan.

1.3. Ro'yxatdan o'tish sahifasida rozilik belgisini qo'yib, foydalanuvchi ushbu siyosatda ko'rsatilgan ma'lumotlarni qayta ishlashga rozilik beradi.

2. Qanday ma'lumotlar yig'iladi

• Ro'yxatdan o'tishda: kompaniya yoki do'kon nomi, kompaniya egasining email manzili va telefon raqami, parol (faqat shifrlangan xesh ko'rinishida saqlanadi);
• Xodimlar hisoblari: Mijoz qo'shgan xodimlarning ismi, email manzili va roli;
• Texnik ma'lumotlar: IP manzil, kirish vaqti, brauzer turi (xavfsizlik, suiiste'molning oldini olish va nosozliklarni tekshirish uchun);
• To'lovlar: to'lov summasi, sanasi va Mijoz yuklagan to'lov cheki.

Ijrochi bank kartasi ma'lumotlarini yig'maydi va saqlamaydi.

3. Mijozning ish ma'lumotlari

Mijoz Xizmatga o'z ma'lumotlarini kiritadi: tovarlar, hujjatlar, kontragentlar, o'z xaridorlari (ism, telefon va hokazo). Bu ma'lumotlarga nisbatan Mijoz operator, Ijrochi esa Mijozning topshirig'i bo'yicha ularni faqat Xizmatni ko'rsatish uchun qayta ishlaydigan shaxs hisoblanadi. Xaridorlarning roziligini olish Mijozning zimmasida.

4. Ma'lumotlar nima uchun ishlatiladi

• Kompaniyani ochish, tizimga kirish va Xizmatni ko'rsatish;
• obuna, to'lovlar va muddatlar haqida xabar berish;
• yordam so'rovlariga javob berish;
• xavfsizlikni ta'minlash va suiiste'molning (masalan, ko'plab soxta ro'yxatdan o'tish) oldini olish;
• qonunchilik talablarini bajarish.

Ijrochi ma'lumotlarni sotmaydi va reklama uchun uchinchi shaxslarga bermaydi.

5. Kimga beriladi

Ma'lumotlar faqat quyidagi hollarda boshqalarga beriladi:

• Mijozning o'zi ulagan xizmatlarga (marketpleyslar, Telegram, fiskal tizimlar) — Mijoz kiritgan kalitlar orqali, faqat integratsiya uchun zarur hajmda;
• Xizmat ishlaydigan server (hosting) provayderiga — ma'lumotlarni saqlash uchun;
• qonunda belgilangan hollarda vakolatli davlat organlariga.

6. Saqlash va himoya

6.1. Har bir Kompaniyaning ma'lumotlari alohida ma'lumotlar bazasida saqlanadi. Saytga ulanish shifrlangan (HTTPS), parollar xesh ko'rinishida saqlanadi, xodimlar huquqlari rollar bilan cheklanadi.

6.2. Har kuni zaxira nusxa olinadi. Zaxiralar 14 kun saqlanadi.

6.3. Obuna tugaganidan keyin ma'lumotlar kamida 90 kun saqlanadi, so'ng oldindan xabar berilib o'chirilishi mumkin (Ofertaning 8-bo'limi).

7. Foydalanuvchi huquqlari

Foydalanuvchi o'z shaxsga doir ma'lumotlari haqida ma'lumot olish, ularni tuzatish, o'chirishni talab qilish va roziligini qaytarib olish huquqiga ega. Roziligini qaytarib olsa, Xizmatdan foydalanish to'xtatilishi mumkin. Murojaatlar quyidagi kontaktlar orqali qabul qilinadi va 10 ish kuni ichida ko'rib chiqiladi.

8. Cookie va brauzer xotirasi

Sayt tizimga kirish holatini, tanlangan tilni va kompaniya ID'sini eslab qolish uchun brauzer xotirasidan (localStorage) foydalanadi. Reklama yoki kuzatuv cookie'lari ishlatilmaydi.

9. Aloqa